CМІ: Ва Украіне затрымалі асабістага ахоўніка кума Пуціна
6- 5.12.2019, 10:55
- 14,554
У прыватнай ахоўнай кампаніі Медзведчука прайшоў ператрус.
Украінскі журналіст Юрый Бутусаў заявіў, што ў Кіеве затрымалі асабістага ахоўніка кума прэзідэнта РФ Уладзіміра Пуціна, нардэпа ад АПЗЖ Віктара Медзведчука Канстанціна Іванова, піша «Новы час».
Пра гэта ён напісаў у Facebook.
Паводле словаў Бутусава, СБУ правяла аперацыю ў памяшканнях дэтэктыўнага і ахоўнага агенцтва Шторм, якое арганізоўвае бяспеку самога Медзведчука і структураў АПЗЖ.
Журналіст заявіў, што падчас аперацыі быў затрыманы адзін з заснавальнікаў кампаніі Канстанцін Іваноў, які з'яўляецца адным з асабістых ахоўнікаў Медзведчука.
Паводле звестак Бутусава, яму прад'яўленае падазрэнне ў сачэнні і незаконным зборы інфармацыі, парушэнні недатыкальнасці прыватнага жыцця.
У ходзе ператрусу канфіскавалі шпіёнскую электронную тэхніку, якую выкарыстоўваюць для збору інфармацыі.