«Просыпается ветер»: прэм'ера новай песні ад Андрэя Макарэвіча

Лідар расейскага гурта «Машина времени» прэзентаваў новую песню.

Сайт nashe.ru прэзентуе вам прэм'еру новага сінгла гурта «Машина времени» «Прачынаецца вецер». Гэта аднайменная песня, напісаная Андрэем Макарэвічам, і кліп, зняты відэамастачкай гурта Кацярынай Грунінай. «Прачынаецца вецер» стаў першай новай працай гурта пасля мініальбому «То, что всегда с тобой», які выйшаў у канцы мінулага года.

- Песня напісана недзе месяц таму, у мяне дома, падчас перапынку паміж гастролямі. Ездзім мы цяпер вельмі шмат, і перапынкаў амаль няма. Напісалася ўсё імгненна, адное пытанне было - а для якога гэта праекта, «Машина времени» або «Yo5»? Звычайна гэта зразумела адразу, а тут я засумняваўся. І паказаў песню Куцікаву, а той прапанаваў інструментальную ўстаўку бліжэй да канца. І стала зразумела, што песня ўсё ж такі «машиновская». Далей усё было хутка: адрэпетавалі песню, запісалі яе за два дні, тут жа знялі, і ў лістападзе ў Пецярбургу ўпершыню сыгралі яе ў жывую. А цяпер аддаем на ваш суд.

Што да кліпа, то яго дараблялі ўжо на гастролях, апошнія штрыхі нанеслі ў нумары гатэля ў Менску. А ўся «машинная» частка відэа знятая на звычайны мабільнік на студыі «Паліфон». Усё гэта так і выглядае: і сходы, і дзверы, і калідоры, і апаратная. Андрэй Макарэвіч з гітарай - ля мікрафона, Аляксандр Куцікаў і гукарэжысёр Самвел Аганесян - ля пульта. Усё як звычайна, але вецер ужо прачынаецца, - распавёў Андрэй Макарэвіч.