Вячаслаў Грэцкі: Трэба нешта арыгінальнае паказаць на Матчы зорак
2- 6.12.2019, 14:25
- 5,900
Форвард менскага «Дынама» падзяліўся меркаваннем пра свой будучы ўдзел у матчы зорак КХЛ.
– Пару гадоў таму ў НХЛ была падобная гісторыя. Праз галасаванне на Матч зорак НХЛ адправілі тафгая Джона Скота. У выніку яго прызналі найлепшым гульцом уікэнда.
– Так, нядаўна ў стужцы ў адным пабліку натрапіў на гэты артыкул. Дарэчы, падобным чынам латышы адправілі на Матч зорак НХЛ Земгуса Гіргенсонса. Паказалі вынікі галасавання, а там усе галасы за яго былі з Латвіі. У мяне падобная гісторыя.
– Ты гатовы стаць найлепшым гульцом уікэнда?
– Раз заўзятары зрабілі свой выбар, абавязаны ім аддзячыць. Мы паабяцалі зрабіць нешта вельмі крутое для ўсіх, хто падтрымліваў.
– Можа, ты стаў адпрацоўваць буліты?
– Тут не столькі гаворка пра буліт... Трэба нешта арыгінальнае паказаць, незвычайнае.
– Сам або параішся з кімсьці?
– Думаю, будзе камандная праца. Ідэі ўжо сыплюцца. У калектыве пытаюцца, што прыдумаў :)
Накідваюць варыянты, прычым ёсць добрыя ідэі, – цытуе Грэцкага pressball.by.