Відэафакт: У Менску на акцыі за незалежнасць парвалі партрэты Пуціна

Гэта адбылося на прыступках Палаца Рэспублікі.

Сёння ў Менску на плошчы Каліноўскага (Кастрычніцкай) праходзіць акцыя, накіраваная на абарону незалежнасці і суверэнітэту Беларусі. На плошчы сабралася ўжо некалькі тысячаў чалавек. Арганізатары акцыі за незалежнасць заклікаюць менчукоў прыязджаць на Кастрычніцкую плошчу.

Дзясяткі ўдзельнікі акцыі на прыступках Палаца Рэспублікі парвалі партрэты прэзідэнта Расеі Уладзіміра Пуціна. Людзі пры гэтым скандавалі «Жыве Беларусь!».