У Турцыі выяўлены «пункт адліку цывілізацыі»
- 7.12.2019, 16:55
- 14,013
Навукоўцы апублікавалі вынікі аналізу.
Турэцкія археолагі апублікавалі сенсацыйныя вынікі раскопак у Бонкуклу-Тарлеў у паўднёва-ўсходняй правінцыі Мардзін. Раскопкі неалітычнага храма пачаліся яшчэ ў 2012 годзе. Да апошняга часу меркавалася, што храму ў Бонкуклу-Тарлеў прыкладна 11,3 тысячы гадоў. Аднак новыя звесткі радыёвуглероднага аналізу паказалі, што на напраўду храму блізу 13 тысяч гадоў, што робіць яго самай старажытнай з выяўленых чалавечых пабудоў, піша «Вокруг света».
Храм - гэта квадратная ў разрэзе сцяна з неапрацаванага каменя з чатырма маналітнымі калонамі ў цэнтры.
Дагэтуль «нулявым пунктам адліку» лічыўся 12-тысячагадовы храмавы комплекс Гебеклі-Тэпе ў правінцыі Шанлыўрфа таксама на паўднёвым усходзе Турцыі. Гебеклі-Тэпе ўуключаны ў Спіс сусветнай спадчыны ЮНЕСКА як «першае ў свеце паселішча». Гэта збудаванне складаецца з канцэнтрычных колаў, утвораных маналітнымі калонамі, злучанымі сценамі з неапрацаванага каменя. У цэнтры таксама ўстаноўленыя калоны.
Доўгі час (9,5 тысяч гадоў) храмавы комплекс быў скрыты пад узгоркам Гебеклі-Тэпе вышынёй блізу 15 метраў; сур'ёзныя раскопкі пачаліся ў сярэдзіне 90-х гадоў. Археалагічныя знаходкі ў Гебеклі-Тэпе зрабілі рэвалюцыю ў навуковых меркаваннях аб раннім неаліце Блізкага Усходу і Еўразіі наогул. Прыблізны ўзрост храма быў устаноўлены ў 2003 годзе.
Аднак цяпер месца Гебеклі-Тэпе на п'едэстале, відавочна, зойме Бонкуклу-Тарла, дзе цягам гісторыі змянялі адзін аднаго 25 цывілізацый.
Раскопкі, якія праводзяцца ў Бонкуклу-Тарла ўніверсітэтам Мардзіна Артуклу, скончаныя, і цяпер ёсць доўгі перыяд інвентарызацыі і вугляроднага аналізу артэфактаў.