Гонар Мядзведзевых
12- 7.12.2019, 19:35
- 24,221
Расея чакае вашых тлумачэнняў.
Прэс-сакратар кіраўніка ўрада РФ Мядзведзева Алег Восіпаў абвясціў у сувязі з расследаванне Аляксея Навальнага пра палёты жонкі Мядзведзева на прыватным самалёце:
«Сам кіраўнік урада традыцыйна не адказвае на правакацыі Аляксея Навальнага і халера з ім. Шмат гонару», піша Telegram-канал «Запретное мнение».
«Правакацыя» - гэта інфармацыя Навальнага пра тое, што жонка Мядзведзева выкарыстоўвае прыватны самалёт і прыведзеныя Навальным дэкларацыі пары Мядзведзевых, з якіх вынікае, што грошай на аплату такіх пералётаў у іх няма.
Але прэс-сакратар Мядзведзева сцвярджае, што пералёты аплачваліся «з асабістых сродкаў». З якіх менавіта? Ці глядзеў Алег Восіпаў ролік Навальнага?
Але справа нават не ў гэтым.
Яна ў нахабнай упэўненасці Мядзведзева, перададзенай расейцам праз свайго прэс-сакратара, што адказваць на абвінавачванні ў карупцыі ён не будзе.
Але гэта не размова адзін на адзін, не дыялог Мядзведзева і Навальнага. Гэта публічны разбор з абвінавачваннямі Мядзведзева ў карупцыі, на якія ён абавязаны адказаць грамадству, якое плаціць яму заробак са сваіх падаткаў. Мядзведзеў - наёмны работнік расейцаў, ён абавязаны перад імі даваць справаздачу.
Ролік Аляксея Навальнага з абвінавачваннямі Мядзведзева ў карупцыі паглядзела блізу 3 мільёнаў чалавек.
Адкажыце ім, спадар Мядзведзеў. Краіна чакае вашых тлумачэнняў.