Жыхар Баранавічаў на Плошчы: Лукашэнка па-ранейшаму гатовы здаць краіну
1- 8.12.2019, 12:58
- 8,351
Агульны настрой беларусаў – праеўрапейскі, пратэсты павінны прадаўжацца.
Сёння ў Менску другі дзень запар праходзяць акцыі пратэсту супраць так званай «інтэграцыі» Беларусі і Расеі.
Мужчына з Баранавічаў апавёў, чаму прыехаў на акцыю:
«Да сённяшняй акцыі ў мяне атрымалася падрыхтавацца і зрабіць плакат пра незалежнасць – у выглядзе папулярнай аватаркі.
Учора ў Сочы не атрымалася ў Пуціна і Лукашэнкі зрабіць тое, што яны планавалі. Але нам нельга супакойвацца, нельга залагоджвацца – нічога падобна, усё засталося так жа. Апетыты Крамля датычна Беларусі не сталі меншыя і гатоўнасць Лукашэнкі здаць краіну засталася ранейшай. Яму як не было веры, так і няма.
Агульны настрой нашых грамадзянаў – антыпуцінскі, антыкрамлёўскі, прабеларускі і праеўрапейскі».