Iзраіль нанёс ракетныя ўдары ў адказ на абстрэл з сектара Газа
- 8.12.2019, 13:10
- 5,693
Сярод атакаваных аб'ектаў – ваенны лагер ХАМАС з інфраструктурай.
Армія абароны Ізраіля (ЦАХАЛ) нанесла серыю ракетных удараў па аб'ектах радыкальнага руху ХАМАС у сектары Газа. Авіяўдары былі адказам на ракетны абстрэл палесцінцаў, паведаміла камандаванне ізраільскіх узброеных сілаў у ноч на нядзелю, 8 снежня ў Twitter. Сярод атакаваных аб'ектаў – ваенны лагер ХАМАС з усёй інфраструктурай, паведамляе dw.com.
3 rockets were fired from #Gaza at Israeli towns and cities earlier tonight.
— Israel Defense Forces (@IDF) December 7, 2019
In response, IDF fighter jets & attack helicopters just struck a number of Hamas terror targets in Gaza.
Напярэдадні з сектара Газа ўпершыню за апошні тыдзень былі выпушчаныя па Ізраілі тры ракеты, якія былі перахопленыя ізраільскімі сістэмамі СПА "Жалезны купал". Праз абстрэл быў запушчаны сігнал трывогі ў памежных населеных пунктах і горадзе Сдэрот.
Абвастрэнне канфлікту паміж Ізраілем і ХАМАС
З лістапада назіраецца новае абвастрэнне канфлікту паміж Ізраілем і палесцінцамі, якое пачалося пасля таго, як у сектары Газа ізраільскай ракетай быў мэтанакіравана забіты адзін з камандзіраў "Ісламскага джыхаду" Баха Абу аль-Ата. У адказ толькі за адзін дзень палесцінскія радыкалы выпусцілі па тэрыторыі Ізраіля блізу 400 ракетаў.
У сваю чаргу ЦАХАЛ нанёс удары па дзясятках аб'ектаў ХАМАС, у выніку былі забітыя 36 чалавек, большасць з якіх – палесцінскія баевікі. Потым бакі пры пасярэдніцтве Егіпта і ААН узгаднілі рэжым спынення агню, які дзейнічае з 14 лістапада, але неаднаразова з таго часу парушаецца.