Берасцейцы выйшлі на плошчу за незалежнасць Беларусі і супраць завода АКБ
1- 8.12.2019, 14:55
- 29,478
Акцыя прайшла ў цэнтры горада.
У Берасці на плошчы Леніна 8 снежня а поўдні чарговым разам сабраліся праціўнікі будаўніцтва акумулятарнага завода. Такія сустрэчы праходзяць тут кожную нядзелю з 25 лютага 2018 года, паведамляюць naviny.by.
Удзельнікі сустрэчы - не менш за 150 чалавек - абмяркоўвалі, як ідзе збор сродкаў для правядзення грамадскай экалагічнай экспертызы праекта акумулятарнага завода.
Удзельнікі акцыі таксама выказалі пратэст супраць падпісання пагадненняў аб «паглыбленай інтэграцыі» з Расеяй і падтрымалі менскія акцыі за незалежнасць Беларусі.
Збор сродкаў для экспертызы арганізаваны на платформе MolaMola. Усяго неабходна сабраць 9 тысяч рублёў, каб аплаціць працу спецыялістаў. На сёння сабрана прыкладна 3,7 тысячы рублёў.
Дакументы па грамадскай экалагічнай экспертызе будуць накіраваныя ў Мінпрыроды.
Актывіст Дзмітрый Бекалюк паведаміў, што «экспертыза будзе праведзеная, таму што завод не збіраецца здавацца і шукае распрацоўнікаў новага праекта і новага АУНА».
Удзельнікі акцыі таксама выказалі пратэст супраць падпісання пагадненняў аб «паглыбленай інтэграцыі» з Расеяй і падтрымалі менскія акцыі за незалежнасць Беларусі.