У Польшчы павялічваецца колькасць Войскаў тэрытарыяльнай абароны
- 8.12.2019, 18:40
- 7,571
У Хрубешуве адбылося ўрачыстае прыняцце прысягі салдатамі 2-й Люблінскай брыгады.
У Хрубешуве адбылося ўрачыстае прыняцце прысягі салдатамі 2-й Люблінскай брыгады тэрытарыяльнай абароны. Ва ўрачыстасці ўзялі ўдзел віцэ-прэм'ер Польшчы Яцэк Сасін і міністр нацыянальнай абароны Польшчы Марыюш Блашчак, паведамляе «Польскае радыё».
Кіраўнік Міністэрства нацыянальнай абароны падзякаваў Люблінскім салдат за гатоўнасць служэння Польшчы ў імя яе бяспекі. Марыюш Блашчак падкрэсліў, што Войска тэрытарыяльнай абароны таксама з'яўляецца вялікай падтрымкай аперацыйным войскам у абароне усходніх рубяжоў NATO. Міністр дадаў, што польскі ўрад прыкладае ўсе намаганні, каб Войска Польскае было абсталяванае самай сучаснай тэхнікай, і каб саюзніцкія ўзаемаадносіны з партнёрамі па NATO былі як мага мацнейшымі.
Служэнне ў Войсках тэрытарыяльнай абароны карыстаецца папулярнасцю і прэстыжам у польскай моладзі. Кантынгент ва ўсёй Польшчы налічвае сёння 24 тысячы вайскоўцаў.