Тысячы людзей выйшлі на мітынг у невялікім райцэнтры РФ
5- 9.12.2019, 12:05
- 18,787
Масавая акцыя адбылася ў Котласе.
У горадзе Котласе Архангельскай вобласці РФ у нядзелю некалькі тысячаў чалавек выйшлі на мітынг супраць будаўніцтва смеццевага палігона ў пасёлку Шыес, куды плануецца звазіць адкіды з Масквы, паведамляе Радыё Свабода.
Адзін з арганізатараў мітынгу Вячаслаў Грыгар'янц у гутарцы з карэспандэнтам Север.Реалии ацаніў колькасць удзельнікаў на тры тысячы. Насельніцтва горада – блізу 60 тысячаў чалавек.
В городе Котлас, который находится рядом с Шиесом, на митинг против московского мусора вышел почти КАЖДЫЙ ШЕСТОЙ ЖИТЕЛЬ — 10 тысяч человек при населении 61 тысяч!
— Ёшкин Крот (@yoshkinkrot) December 9, 2019
Послушайте этих достойных уважения людей и покажите друзьям. Потому что по телевизору уже ГОД про это упорно молчат pic.twitter.com/Eazgcc8HUr
Асноўнае патрабаванне пратэстоўцаў – спыніць будаўніцтва палігона на станцыі Шыес.
В Котласе Архангельской области протестующие вышли в поддержку и защиту активистов Шиеса, а также против строительства мусорного полигона.#Россия #Шиес #Котлас pic.twitter.com/UqQXdggz1H
— Зелёная Лента (@zelenayalenta) December 8, 2019
Выступоўцы таксама выказалі прэтэнзіі на адрас супрацоўнікаў паліцыі. Паводле словаў Грыгар'янца, праваахоўныя органы "не ахоўваюць нашыя правы, яны ахоўваюць правы незразумела каго". Са сцэны мітынгоўцы крытыкавалі чыноўнікаў, успамінаючы "ўсе іх абяцанні, якія фактычна не выкананыя". Актывіст адзначыў, што людзі вымушаныя выходзіць на мітынгі, таму што ўлады "па-іншаму не чуюць".
Пратэсты супраць будаўніцтва смеццевага палігона ў пасёлку Шыес доўжацца ўжо амаль год. Супраць палігона выступаюць мясцовыя жыхары, актывісты і эколагі. Яны мяркуюць, што праца звалкі прывядзе да экалагічнай катастрофы.