Фотафакт: Пад Смаргонню паставілі навагоднюю ялінку з саломы

Незвычайная ялінка з'явілася каля вёскі Суцькава.

Каля вёскі Суцькава ў Смаргонскім раёне з'явілася незвычайная ялінка, піша мясцовая раённая газета «Светлый путь».

Зрабілі яе работнікі КСУП «Сінькі» з саламяных цюкоў. Паведамляецца, што навагодняя інсталяцыя арганічна ўпісалася ў вясковы пейзаж.

Звычайныя сельскія працаўнікі робяць з саламяных цюкоў трактары альбо чалавечыя постаці: перад чэмпіянатам свету ў хакеі 2014 года пад Горадняю паставілі саламяных хакеістаў.