Аўтобус Вільня - Менск перакуліўся пад Астраўцом
6- 10.02.2019, 11:45
- 17,523
Інцыдэнт адбыўся ўначы.
У ноч з 9 на 10 лютага за тры кіламетры ад Астраўца перакуліўся рэйсавы аўтобус, які ішоў з Вільні ў Менск. Пра гэта tut.by паведаміла маці адной з пацярпелых.
Інцыдэнт адбыўся блізу гадзіны ночы.
«Дачка напісала, што перасекла мяжу. А потым патэлефанавала і сказала, што аўтобус выехаў на сустрэчную, сышоў у кювет і перакуліўся», - распавяла яна.
Са слоў жанчыны, ніхто не загінуў, аднак некаторыя пасажыры атрымалі ўдары, ёсць падазрэнне на пералом.
Частку пасажыраў адразу забрала хуткая дапамога і адвезла ў бальніцу ў Астраўцы. Астатнія некалькі гадзін грэліся ў машынах ДАІ. Блізу 4 раніцы прыехаў другі аўтобус і адвёз усіх пасажыраў у Менск.