Мітынг у Берасці перарос у шэсце па цэнтры горада
11- 10.02.2019, 13:50
- 32,527
Праціўнікі акумулятарнага завода выйшлі на масавую акцыю пратэсту.
Вясна ў Берасце прыйшла датэрмінова. Жыхары горада сёння зноў сабраліся на цэнтральнай плошчы ў знак пратэсту супраць акумулятарнага завода, піша тэлеграм-канал «Баста».
Сённяшняя акцыя стала больш дынамічнай, чым усе папярэднія. Пасля кароткага мітынгу на плошчы Леніна яго ўдзельнікі адправіліся гуляць па горадзе.
Шэсце, у якім узялі ўдзел блізу 150 чалавек, прайшло на вуліцы Савецкай і скончылася каля кінатэатра «Беларусь».