Вызначыўся спаборнік каманды Беларусі ў паўфінале Кубка Федэрацыі

Матч пройдзе 20-21 красавіка.

Вызначыўся спаборнік тэнісістак нацыянальнай каманды Беларусі ў паўфінале Сусветнай групы Кубка Федэрацыі. За выхад у фінал каманда Таццяны Пучак пазмагаецца супраць каманды Аўстраліі, паведамляе tut.by.

Аўстралія будзе гаспадыняй матчу, які пройдзе 20-21 красавіка.

У чвэрцьфінале Аўстралія у гасцях ўзяла верх над ЗША - 3:2.

У рэйтынгу Кубка Федэрацыі Аўстралія займае 9-е месца, Беларусь - 3-е.

Аўстралія 7 разоў станавілася пераможцам Кубка Федэрацыі (1964, 1965, 1968, 1970, 1971, 1973, 1974).

Найлепшым дасягненнем Беларусі ў турніры з'яўляецца выхад у фінал у 2017 годзе, дзе каманда пад кіраўніцтвам Эдуарда Дуброва ў сваім дэбютным сезоне ў Сусветнай групе саступіла камандзе ЗША.

У чвэрцьфінале цяперашняга розыгрышу Кубка Федэрацыі беларускі 9-10 лютага ў Браўншвэйгу перамаглі Нямеччыну - 4:0.

У іншым паўфінале Сусветнай групы Кубка Федэрацыі ў красавіку згуляюць Францыя - Румынія.