Якім будзе надвор'е на тыдні
- 11.02.2019, 15:46
- 9,221
Заўтра ў Беларусі чакаюцца ападкі.
У пачатку тыдня атмасферныя франты прынясуць сырое з ападкамі і парывістым ветрам надвор'е. У сярэдзіне тыдня за франтальнымі часткамі на тэрыторыю Беларусі пачне паступаць паветраная маса скандынаўскага паходжання, тэмпературны фон крыху панізіцца і па начах будзе падмарожваць, з ростам атмасфернага ціску ападкаў будзе няшмат. Пра гэта tut.by паведамілі ў Белгідрамеце Мінпрыроды.
12 лютага ў аўторак, атмасферныя франты прынясуць на вялікую частку тэрыторыі Беларусі кароткачасовыя ападкі - у асноўным мокры снег, якія на захадзе краіны будуць суправаджацца парывістым ветрам. Месцамі слабы галалёд, на асобных адцінках дарог галалёдзіца. Тэмпература паветра мінімальная ўначы складзе -3...+3°С, максімальная тэмпература ўдзень -2...+4°С.
У сераду, 13 лютага, месцамі ў краіне кароткачасовы снег, мокры снег. У асобных раёнах туман, на дарогах галалёдзіца. Тэмпература паветра мінімальная ўначы складзе -1...7°С, максімальная тэмпература ўдзень -3...+3°С.
14 лютага, у чацвер, месцамі ў краіне кароткачасовы снег, мокры снег. У асобных раёнах туман, на дарогах галалёдзіца. Тэмпература паветра мінімальная ўначы 0...-7°С, на ўсходзе краіны пры прасвятленнях яна панізіцца да -8...-10°С, максімальная тэмпература ўдзень -3...+4°С.
У пятніцу, 15 лютага, у вобласці павышанага ціску істотных ападкаў не чакаецца. Месцамі ў краіне туман, слабы галалёд, на дарогах галалёдзіца. Тэмпература паветра мінімальная ўначы -1...7°С, на паўднёвым усходзе краіны пры прасвятленнях да -10°С, максімальная тэмпература ўдзень -2...+3°С; на захадзе краіны цяплей – уначы блізу 0°C, удзень +4...5°С.