У Эстоніі афіцэра і яго бацьку асудзілі за шпіянаж на карысць РФ

Сын і бацька шпіёнілі на карысць РФ крыху больш за дзесяць гадоў.

У Эстоніі суд прысудзіў да турэмнага зняволення маёра сіл абароны і яго бацьку за выдачу дзяржаўнай таямніцы і іншай засакрэчанай інфармацыі галоўнага разведвальнага ўпраўлення РФ.

Як паведамляе Delfi, 38-гадовага Дзяніса Метсаваса і яго бацьку 65-гадовага Пятра Воліна прызналі вінаватымі ў дзяржаўнай здрадзе. Метсавасу прысудзілі 15 гадоў і 6 месяцаў пазбаўлення волі, Воліну - 6 гадоў пазбаўлення волі.

Генеральны дырэктар Паліцыі бяспекі Арнольд Сінісалу заявіў, што Метсавас шпіёніў на карысць РФ крыху больш за дзесяць гадоў. За свае паслугі ён атрымаў амаль 20 000 еўраў. Яго бацька выступаў у ролі кур’ера, дастаўляючы інфармацыю, якая прызначалася для ўнутранага карыстання, у Расею.

Якую менавіта інфармацыю перадаваў Метсавас, у Паліцыі бяспекі не ўдакладнілі. «Ён працаваў у Генштабе, да гэтага займаўся развіццём артылерыі. Можаце судзіць самі», - адзначыў Сінісалу.

Нагадаем, што афіцэра галоўнага штаба Сіл абароны Эстоніі Дзяніса Метсаваса і яго бацьку Пятра Воліна арыштавалі ў верасні 2018 года.