12 лiстапада 2019, aўторак, 23:02
Добрая навіна
Рубрыкі

У Гішпаніі пачаўся суд над 12 лідарамі Каталоніі

2
У Гішпаніі пачаўся суд над 12 лідарамі Каталоніі

Суддзі павінны вызначыць іх ролю ў арганізацыі рэферэндуму 1 кастрычніка 2017 года.

У Гішпаніі ў аўторак пачынаецца судовы працэс над 12 былымі каталонскім палітыкамі, абвінавачанымі ў паўстанні супраць урада, бунце і злоўжыванні ўладай.

Пра гэта паведамляе El Pais (пераклад - eurointegration.com.ua).

На лаве падсудных Вярхоўнага суда Гішпаніі апынуцца 12 палітыкаў, у тым ліку былы віцэ-прэзідэнт Жэнералітату (урада) Каталоніі Арыёл Жункерас. Суддзі павінны вызначыць іх ролю ў арганізацыі незаконнага рэфэрэндуму 1 кастрычніка 2017 года і ў аднабаковым абвяшчэнні незалежнасці Каталоніі.

З мэтай дэманстрацыі максімальнай празрыстасці і ў пазбяганне абвінавачванняў у прадузятасці слуханні ў Вярхоўным судзе будуць транслявацца ў жывым эфіры.

Паведамляецца, што раніцай у аўторак у Вярхоўны суд прыбыў дзейны кіраўнік Жэнералітату Каталоніі Кім Тора і больш за 50 ягоных паплечнікаў.

"Сёння пачынаецца судовы працэс, які наогул не можа быць у дэмакратычнай краіне", - заявіла Элісэнда Палуз’е, старшыня Нацыянальнай асамблеі Каталоніі (арганізацыя, якая выступае за незалежнасць рэгіёна). Пры гэтым яна заклікала прыхільнікаў незалежнасці Каталоніі мабілізавацца супраць судовага працэсу.

Раней у Каталоніі перасцерагалі, што абвінаваўчыя прысуды былым каталонскім палітыкам толькі паглыбяць існы крызіс.

Пракуроры патрабуюць 25 гадоў турмы для лідара Каталонскі рэспубліканскай левай партыі Арыёла Жункераса, 17 гадоў для лідаркі Каталонскі нацыянальнай асамблеі, якая дапамагала рыхтаваць рэферэндум, Жорзі Санчэса і яшчэ трох чалавек. Васьмі іншых падсудным пагражаюць турэмныя тэрміны да 16 гадоў.

Абвінавачаныя ўжо 16 месяцаў знаходзяцца за кратамі, у канцы мінулага года іх перавялі ў турму недалёка ад Барсэлоны.

Гэта найбуйнейшая палітычная справа ў Гішпаніі пасля няўдалай змовы ў 1981 годзе, калі афіцэры Грамадзянскай гвардыі штурмавалі гішпанскі парламент і абстрэльвалі дэпутатаў, якія галасавалі за абранне прэм'ер-міністра. Трое лідараў бунту атрымалі тады 30 гадоў турмы, яшчэ 30 чалавек атрымалі меншыя прысуды.