28 сакавiка 2024, Чацвер, 20:13
Падтрымайце
сайт
Сім сім,
Хартыя 97!
Рубрыкі

У Аркадзя Бабчанкі выкралі грошы з рахунку

13
У Аркадзя Бабчанкі выкралі грошы з рахунку
АРКАДЗЬ БАБЧАНКА
ФОТА: ГОРДОН

Карткай журналіста аплацілі нумар у гатэлі «Хілтан» у Лондане.

У незалежнага журналіста Аркадзя Бабчанкі невядомыя скралі грошы з банкаўскага рахунку. Журналіст уважае гэта за правакацыю расейскіх спецслужбаў. Пра гэта ён напісаў у «Фэйсбуку»:

«Калі не забіць, дык падгадзіць, як я кажу. Іх новая філасофія. Дабраліся да банкаўскіх рахункаў. Знялі грошы. Самае цікавае - куды выдаткавалі. Калі раней яны спыняліся ў капеечных гатэльчыках у Солсберы, то цяпер – куды там - аплацілі з маёй карткі «Хілтан» у Лондане! Прыгожа атручваць не забароніш. Чапігі. Ну, хоць без лобстэраў, і тое дзякуй.

Але люблю якасны тролінг, нічога не скажаш.

Зроблена добра. Залезлі ў мой онлайн-кабінет, памянялі налады. Ніякіх SMS мне не прыйшло. Ні аб змене ліміту аплаты ў інтэрнэце, ні аб спісанні грошай. Пра тое, што я, выяўляецца, начаваў у «Хілтане», я даведаўся толькі таму, што грошай на картцы выстарчыла толькі на адну ноч сібарыцтва (плача), а далей мне прыйшло штук дваццаць адмоваў у транзакцыі - на другую ноч раскошы ўжо ўсё. Так што выбачайце, чапігі, на другі дзень едзьце начаваць у свой звыклы клапоўнік - гарэлкі больш няма. Легенду памянялі.

Налады кабінета, дарэчы, мянялі проста на вачах. Спачатку выставілі максімум аплаты ў інтэрнэце сорак тысяч даляраў. Карл. Не, дзякуй за камплімент, вядома. Пераставіў на нуль. Сядзім у аператара ў банку - проста на вачах мяняецца на дваццаць тысяч. Пераставіў на адзін даляр. Памянялі на два даляры. Упартыя хлопцы. Малайцы.

Увогуле, захады бяспекі ўжытыя, усё паправілі, скрадзеныя грошы таксама вернем».

Напісаць каментар 13

Таксама сачыце за акаўнтамі Charter97.org у сацыяльных сетках