Дзяржсакратар ЗША: Супрацьстаянне Ірану - ключ да міру на Блізкім Усходзе

Адпор Тэгерану развяжа ўсе праблемы рэгіёну.

Дзяржсакратар ЗША Майк Пампэа заявіў, што Іран з'яўляецца галоўнай пагрозай на Блізкім Усходзе, таму супрацьстаянне гэтай краіне з'яўляецца ключом да дасягнення міру ва ўсім рэгіёне.

З такой заявай галоўны амерыканскі дыпламат выступіў у чацвер на канферэнцыі аб бяспецы ў Варшаве, паведамляе «Европейская правда» са спасылкай на Associated Press.

Пампэа сустрэўся з прэм'ер-міністрам Ізраіля Біньямінам Нетаньяху перад адкрыццём сесіі на канферэнцыі і сказаў, што «адпор» Ірану мае ключавое значэнне для развязання ўсіх астатніх праблем рэгіёну.

«Нельга дасягнуць міру і стабільнасці на Блізкім Усходзе без канфрантацыі з Іранам. Гэта проста немагчыма», - сказаў Пампэа.

Ізраільскі лідар высока ацаніў удзел высокапастаўленых арабскіх прадстаўнікоў у канферэнцыі, заявіўшы, што гэта азначала сабою змену рэгіянальных прыярытэтаў.

«У пакоі каля 60 міністраў замежных спраў, ізраільскі прэм'ер-міністр і міністры замежных спраў вядучых арабскіх краін, яны выказваюцца з незвычайнай сілай, яснасцю і адзінствам супраць агульнай пагрозы іранскаму рэжыму», - сказаў ён перад сустрэчай з Пампэа.

«Я думаю - гэта азначае змяненне, важнае разуменне таго, што пагражае нашай будучыні», - дадаў Нетаньяху.

ЗША і Польшча арганізуюць канферэнцыю, якая, з іх слоў, накіраваная на садзейнічанне міру і бяспецы на Блізкім Усходзе.