Сіноптыкі: На выходных будзе да +10°С

Прагноз надвор'я на тры дні.

15 лютага надвор'е ў Беларусі ўночы ў асноўным будзе вызначаць вобласць падвышанага атмасфернага ціску, раніцай і ўдзень адаб'ецца ўплыў малаактыўнага франтальнага падзелу. Чакаецца воблачнае, уночы з праясненнямі надвор'е, паведамляе Гідрамет.

Поначы без істотных ападкаў, раніцай і ўдзень месцамі невялікія ападкі, у асноўным дождж. Уночы і раніцай на большай частцы тэрыторыі краіны, удзень месцамі туман. У асобных раёнах слабы галалёд, на дарогах месцамі галалёдзіца. Вецер заходні сярэдні. Тэмпература паветра мінімальная ноччу -1..- 6°С, у заходніх раёнах 0.. +3°С, максімальная ўдзень 0.. +6°С. Атмасферны ціск уначы істотна не зменіцца, удзень будзе падаць.

16-17 лютага Беларусь будзе знаходзіцца на паўночна-ўсходняй перыферыі шырокага цёплага антыцыклону з цэнтрам над Балканскай паўвыспай. Ападкаў у краіне не чакаецца. Уночы і раніцай месцамі туман, на дарогах галалёдзіца. Вецер заходні, паўночна-заходні сярэдні. Тэмпература паветра мінімальная ўночы -3.. +3°С, максімальная ўдзень +1.. +8°С, на паўднёвым захадзе краіны паветра прагрэецца да +9.. +10°С.