Юнас Энрот аб сыходзе з «Дынама»: Мая пастанова - гэта проста бізнэс
1- 16.02.2019, 10:30
- 7,643
Гулец пераходзіць у «Эрэбру», які цяпер змагаецца за захаванне прапіскі ў швэдскім топ-дывізіёне.
Брамнік менскага «Дынама» Юнас Энрот пасля паразы ад рыжскага «Дынама» (1:3) у «Зімовай класіцы» пракаментаваў для карэспандэнта pressball.by інфармацыю пра тое, што ён пакідае беларускі клуб.
- Уражанні? Гэта было выдатна. Выдатнае мерапрыемства. І вечар вельмі прыдатны. Было не занадта холадна, не занадта горача. Лёд быў у добрым стане. Сабралася шмат гледачоў. Выдатная атмасфера.
- Гулялі раней на адкрытым паветры?
- Так, я гуляў тут летась. Таксама было выдатна.
- У чым быў ключ да перамогі?
- Мне здаецца, мы недастаткова часта пагражалі браме каманды з Рыгі. У нас было не занадта шмат сапраўды добрых галявых момантаў.
- Я чуў, вы хочаце пакінуць менскае «Дынама»...
- Не, я не хачу сыходзіць з «Дынама». Гэта пастанова - гэта проста бізнэс. Пакуль нічога не аформленае афіцыйна. Я не займаўся гэтым перад гульнёй, я хацеў засяродзіцца выключна на гэтым канкрэтным паядынку, а ўсім астатнім трэба будзе займацца ўжо пасля гульні.