Літва ўзнагародзіла Станіслава Шушкевіча медалём
11- 16.02.2019, 11:17
- 11,166
Літоўскі бок адзначыў унёсак палітыка ў добрасуседскія стасункі паміж нашымі краінамі.
15 лютага ў Вільні ў Літоўскай акадэміі навук былі ўручаныя ўзнагароды навукоўцам і грамадскім дзеячам у сувязі са 101-й гадавінай аднаўлення дзяржаўнасці Літвы. Сярод узнагароджаных асоб першы кіраўнік незалежнай Беларусі Станіслаў Шушкевіч, паведамляе «Радыё Рацыя».
Літоўскі бок адзначыў унёсак Шушкевіча ў добрасуседскія стасункі паміж нашымі краінамі. У выступах прысутных гучалі словы салідарнасці з беларускім народам і згадкі пра супольныя старонкі гісторыі.
Медаль «За заслугі перад Вільняй і народам» - гэта ўжо другая ўзнагарода Станіслава Шушкевіча ад літоўскай дзяржавы. У 2010 годзе першы кіраўнік незалежнай Беларусі атрымаў адну з найвышэйшых узнагарод краіны - ордэн «Вітаўта Вялікага».