Харвацкі нападнік Дарка Бодул падпісаў кантракт з «Шахцёрам»
- 17.02.2019, 12:39
- 8,930
Дамова разлічаная на два гады.
Харвацкі нападнік Дарка Бодул працягне кар'еру ў салігорскім «Шахцёры». Кантракт разлічаны на два гады.
Бодул пачаў футбольную адукацыю ў Вене ў клубах «Фартуна» і «Ферст». Затым займаўся ў акадэміях галандскіх «Херэнвен» і «Аякса». Пасля дэбюту за амстэрдамцаў у гульні супраць «Вітэса» быў аддадзены ў арэнду ў Ратэрдамскую «Спарту». Выступаў за аўстрыйскія «Штурм» і «Альтах», дацкая «Адэнсе», шатланскі «Дандзі Юнайтэд». Апошнія сезоны правёў, гуляючы ў расейскай прэм'ер-лізе за «Амкар» і «Енісей», - інфармуе афіцыйны сайт «Шахцёра».