Іран заявіў аб высокай рызыцы вайны з Ізраілем

Кіраўнік МЗС Ірана агучыў гэты тэзіс на Мюнхенскай канферэнцыі.

Міністр замежных спраў Ірана Джавад Зарыф падчас выступу на Мюнхенскай канферэнцыі ў бяспецы абвінаваціў Ізраіль у «імкненні да вайны», паведамляе РБК.

«Рызыка вайны вялікая. Рызыка будзе яшчэ большай, калі вы прадоўжыце заплюшчваць вочы на сур'ёзныя парушэнні міжнароднага права», - цытуе Зарыфа агенцтва Reuters.

Кіраўнік МЗС Ірана абвінаваціў Ізраіль у «парушэнні міжнароднага права» ў сувязі з бамбаваннямі Сірыі, ён таксама раскрытыкаваў еўрапейскія дзяржавы за тое, што яны не процідзейнічаюць дзеянням Ізраіля і ЗША. Пры гэтым Зарыф запэўніў, што Іран - прыхільнік ядзернай угоды 2015 года. З ягоных слоў, Францыя, Вялікая Брытанія і Нямеччына недастаткова робяць для таго, каб Тэгеран атрымаў эканамічныя выгады ад гэтага пагаднення.