Якім будзе надвор'е да канца працоўнага тыдня

Прагноз надвор'я на найбліжэйшыя тры дні.

20 лютага надвор'е Беларусі будуць вызначаць атмасферныя франты, якія змяшчаюцца з Заходняй Еўропы. Чакаецца воблачна з прасвятленнямі. У многіх раёнах невялікія кароткачасовыя ападкі (дождж, мокры снег), піша pogoda.by.

На асобных адцінках дарог галалёдзіца. Вецер паўднёва-заходні, заходні парывісты, уранку і ўдзень месцамі моцны парывісты. Тэмпература паветра мінімальная ўначы -2..+4°С, максімальная ў сярэдзіне дня +1..+7°С. Атмасферны ціск істотна не зменіцца.

21 лютага надвор'е будзе вызначаць тылавая частка цыклону з цэнтрам над цэнтральнымі раёнамі еўрапейскай часткі Расеі. Уначы і ўранку на большай частцы тэрыторыі, удзень у асобных раёнах пройдзе невялікі кароткачасовы снег. На асобных адцінках дарог галалёдзіца. Вецер паўночна-заходні сярэдні, месцамі, пераважна на ўсходзе краіны, моцны парывісты. Тэмпература паветра мінімальная ўначы 0..-6°С, максімальная ўдзень ад -4°С на паўночным усходзе да +4°С на паўднёвым захадзе рэспублікі.

22 лютага Беларусь у асноўным будзе знаходзіцца ў вобласці падвышанага атмасфернага ціску, толькі ўначы на паўднёвым захадзе краіны адаб'ецца ўплыў франтальнага падзелу. Пераважна без ападкаў, толькі ўначы ў асобных раёнах на паўднёвым захадзе рэспублікі пройдзе кароткачасовы снег. На асобных адрэзках дарог галалёдзіца. Вецер паўночны сярэдні, месцамі парывісты. Тэмпература паветра мінімальная ўначы -3..-10°С, месцамі да -11..-13°С, максімальная ўдзень -6..+1°С.