17 кастрычнiка 2019, Чацвер, 9:35
Мы ў адной лодцы
Рубрыкі

Рэальныя даходы расейцаў падаюць пяты год запар

3
Рэальныя даходы расейцаў падаюць пяты год запар
ФОТА: TASS

Рэальныя даходы расейцаў у 2019 годзе працягнулі падзенне.

Рэальныя наяўныя грашовыя даходы (даходы за вылікам абавязковых плацяжоў, скарэктаваныя на індэкс спажывецкіх цэн) у студзені 2019 года знізіліся на 1,3% у параўнанні са студзенем 2018 года. Такія папярэднія звесткі Федэральнай службы дзяржаўнай статыстыкі (Расстат), паведамляе РБК.

Згодна з матэрыяламі службы, грашовыя даходы расейцаў у сярэднім на душу насельніцтва ў студзені склалі 24 496 рублёў. Сярэднямесячны налічаны заробак зафіксаваны на ўзроўні 41 120 рублёў, што на 5,2% больш у намінальным выражэнні ў параўнанні са студзенем 2018 года і на 0,2% больш у рэальным выражэнні ў дачыненні да гэтага ж перыяду. Такім чынам, рост рэальнага заробку ў студзені 2019 года аказаўся самым нізкім з ліпеня 2016 года.

У сваёй справаздачы Расстат таксама перагледзеў звесткі аб падзенні рэальных даходаў за 2018 год. Агулам за мінулы год яны скараціліся на 0,2%. Такую ж ацэнку Расстат прыводзіў і ў ранейшай справаздачы, аднак змяніліся паказчыкі без уліку аднаразовай выплаты (ЕВ). Калі да гэтага без уліку ЕВ у 2018 годзе рэальныя даходы за 2018 год паказалі невялікую станоўчую дынаміку - плюс 0,3%, то ва ўдакладненых звестках - толькі плюс 0,1%.

Мінулы год стаў пятым годам бесперапыннага падзення рэальных даходаў насельніцтва. У 2017 годзе скарачэнне склала 1,7%, у 2016-м - 5,8%, у 2015 годзе - 3,2%, у 2014-м - 0,7%. Прэм'ер Дзмітрый Мядзведзеў у снежні мінулага года казаў, што ўраду у 2018 годзе ўдалося пераламаць трэнд на зніжэнне даходаў. Першы віцэ-прэм'ер РФ Антон Сілуанаў пазней раскрытыкаваў разлічаны Расстатам паказчык рэальных наяўных даходаў насельніцтва. «Як ён лічыцца - ведае, напэўна, толькі Расстат», - сказаў Сілуанаў, заўважыўшы, што ёсць вялікія прэтэнзіі да таго, як служба выводзіць гэты паказчык.