Справа MH17: Украіна абвясціла ў вышук афіцэра ГРУ
10- 20.02.2019, 9:21
- 18,233
Расеец датычны да дастаўкі «Бука» на Данбас.
Служба бяспекі Украіны абвясціла ў вышук афіцэра Галоўнай разведвальнай управы РФ Алега Іваннікава, які з'яўляецца фігурантам у справе аб катастрофе пасажырскага Boeing рэйса МН17. Інфармацыя пра гэта занесеная ў базу звестак сайта Міністэрства ўнутраных спраў Украіны.
Іваннікава шукаюць з 21 студзеня 2019 года.
Яму інкрымінуюць злачынства паводле ч. 1 арт. 258-3 (стварэнне тэрарыстычнай арганізацыі, кіраўніцтва або ўдзел у ёй) і ч. 2 арт. 437 (вядзенне агрэсіўнай вайны) Крымінальнага кодэкса Украіны.
Фотаздымка Іваннікава ў базе звестак няма.
Boeing 777, што выконваў рэйс MH17 (Амстэрдам - Куала-Лумпур), пацярпеў катастрофу 17 ліпеня 2014 года блізу Тарэза Данецкай вобласці. Загінулі ўсе 298 чалавек, якія знаходзіліся на борце.
У расследаванні Bellingcat паказвалася, што афіцэр ГРУ Алег Іваннікаў (пазыўны Арыён) датычны да дастаўкі ва Украіну з Расеі «Бука», з якога збілі Boeing 777.