Як БАТЭ рыхтуецца да матчу ў адказ з «Арсеналам»
4- 20.02.2019, 16:42
- 16,093
Беларускія футбалісты паляцелі ў Англію рэгулярным рэйсам і жывуць пад Лонданам у гатэлі з нумарамі ад $100.
На наступны дзень пасля пераможнага матчу з «Арсеналам» БАТЭ ўзяў курс на Туманны Альбіён. Уранку каманда адправілася ў аэрапорт «Мінск», адкуль вылецела ў Лондан не чартэрам, а звычайным рэгулярным рэйсам, піша tribuna.com.
Разам з барысаўцамі на борце знаходзілася шмат ангельскіх журналістаў, якія здзівіліся сціпласці футбалістаў БАТЭ, што размясціліся ў эканом-класе. Адзін з брытанцаў падлавіў «жоўта-сініх» у аэрапорце за паглынаннем фаст-фуда.
Nothing rubs salt into the wounds more than sitting next to Alex Hleb and the BATE team while they celebrate beating Arsenal by wolfing down a Double Whopper meal at 8am pic.twitter.com/7DOW4XYsXE
— Charles Watts (@charles_watts) 15 февраля 2019 г.
«Іншых рэстарацый у менскім аэрапорце не было. Мазгоў у журналіста малавата: хоць бы напісаў, дзе і што гэта. Неяк непрыгожа выйшла, але мы з хлопцамі ў камандзе паздзекаваліся», - абурыўся вядомы беларускі футбаліст Аляксандр Глеб.
Па прылёце каманда размясцілася непадалёк ад Лондана - на базе пад Калчэстарам. Барысаўцы засяліліся ў чатырохзоркавы гатэль Crowne Plaza Resort Five Lakes, размешчаны ў маляўнічым месцы.
Стандартны двухмесны нумар з двума ложкамі ў гатэлі каштавацьме прыблізна 100 даляраў, cа сняданкам і вячэрай на дваіх - $190. Прадстаўніцкі двухмесны нумар з адной ложкам - $137, cа сняданкам і вячэрай - $230. Люкс (адзін ложак на дваіх) - $210, cа сняданкам і вячэрай - $300.
У гатэлі ўсе ўмовы для падрыхтоўкі да матчу і аднаўлення - працуе басейн, саўна, трэнажорная зала, масажны кабінет і аздараўленчы цэнтр.
Booking.com ацэньвае гатэль на 8,4 балаў. На сайце больш за сем сотняў водгукаў пра гатэль. У большасці сваёй яны станоўчыя, аднак ёсць і адмоўныя думкі.
Сара была лаканічная: ёй не спадабалася ўсё.
Але ў асноўным водгукі захопленыя.
У пяці хвілінах хады ад гатэля знаходзіцца поле, на якім праводзіць трэніроўкі БАТЭ. Цікава, але яно знаёмае тром барысаўцам - Дзмітрыю Багу, Станіславу Драгуну і Максіму Скавышу. Трыо займалася на ім, калі нацыянальная каманда Беларусі выступала на лонданскай Алімпіядзе-2012.
БАТЭ трэніруецца ў двухразовым рэжыме. У Калчэстары цяпер 10 градусаў вышэй за нуль. Надвор'е ў Англіі традыцыйнае для зімы - волкае, туманнае, сонца з'яўляецца нячаста.
Трэніроўку ў сераду каманда правяла на іншай арэне. Ёю стаў стадыён у горадзе Хейбрыджы, размешчаным у 14 кіламетрах ад гатэля.
Арэна належыць мясцовай камандзе «Хейбрыдж Свіфтс» з восьмага ангельскага дывізіёна. Напярэдадні там праходзіў матч, так што газон выглядае не вельмі свежым.
