Геніч: Калі «Арсенал» не заб'е хоць бы тры мячы БАТЭ, трэба сыходзіць з прагнозаў

Расейскі каментатар зрабіў прагноз на матч «Арсенал» - БАТЭ ў 1/16 фіналу Лігі Еўропы.

Каментатар чэмпіянатаў Расеі, Гішпаніі і Італіі на каналах «Матч! ТВ» Канстанцін Геніч зрабіў прагноз на матч «Арсенал» - БАТЭ ў 1/16 фіналу Лігі Еўропы сезона 2018/19. Сустрэча ў адказ адбудзецца ў чацвер, 21 лютага, на стадыёне «Эмірэйтс» у Лондане. Экспэрт у маючым адбыцца матчы ставіць на тое, што гаспадары заб'юць мінімум тройчы.

- Галоўная сенсацыя першых матчаў Лігі Еўропы - гэта тое, што «Арсенал» прайграў у Барысаве 0:1. Калі вы не бачылі гэтую гульню, то лік не павінен уводзіць у зман. Так, малайцы футбалісты БАТЭ. Галоўны трэнер кажа, што гэта было лепш, чым сэкс. Каманда выклалася не на 100 адсоткаў, а на 120. Але калі глядзець па момантах і таму, як гульня складвалася, вядома, «Арсенал» не павінен быў прайграваць. Момантаў было звышдастаткова. Дзесьці падводзіла рэалізацыя, дзесьці ўдала дзейнічаў брамнік. Але я думаю, што ўсё тое, што «Арсенал» не забіў у гасцях, ён напэўна заб'е на «Эмірэйтс». У «Арсенала» сур'ёзныя амбіцыі ў Лізе Еўропы. І калі з іміджавага пункту гледжання тваю каманду так непрыгожа падаюць, схадзіць на такой ранняй стадыі не справа. Усё ж такі спаборнік сціплы.

Няхай «Арсенал» будзе і без Лаказета, які атрымаў чырвоную картку ў першай гульні, думаю, у «Арсенала» ёсць усе неабходныя сілы, каб гэты БАТЭ з прабегу зняць. Я б адыграў «індывідуальны тотал» Арсенала «больш за 2,5 мяча» за 1,73. Калі лонданцы не заб'юць хоць бы тры мячы БАТЭ, то трэба сыходзіць з прагнозаў і больш іх не даваць. Я веру ў тое, што каманда Унаі Эмерi збярэцца і неабходную розніцу забяспечыць. А для таго каб не залежыць ад гола БАТЭ, раптам ён заб'е пры ліку 0:2, трэба забіваць мінімум тры, - прыводзіць словы Геніча bookmaker-ratings.ru.

Стартавы свісток на стадыёне «Эмірэйтс» прагучыць а 20:55 паводле беларускага часу.