Экс-намеснік кіраўніка Менска выйшаў на новую працу

І гэта не дзяржаўная служба.

Былы намеснік старшыні Менгарвыканкама і лекар з шматгадовым досведам Ігар Юркевіч узначаліў 6-ю гарадскую клінічную бальніцу сталіцы. Пра гэта tut.by паведаміла некалькі крыніц. Пазней інфармацыя пра новага кіраўніка з'явілася на афіцыйнай старонцы бальніцы.

15 студзеня Ігар Юркевіч пакінуў пасаду намесніка старшыні Менгарвыканкама, на якой ён курыраваў ідэалогію, сацыяльны кірунак і ахову здароўя. Сярод іншага вялікую ўвагу ён надаваў развіццю веларуху, асабіста сустракаўся з актывістамі Менскага веласіпеднага таварыства.

Але, як кажуць суразмоўцы партала, найбольш блізкім для яго заўсёды заставалася ахова здароўя. Юркевіч актыўна прасоўваў развіццё электроннай аховы здароўя ў сталіцы, пры ім прайшла глабальная мадэрнізацыя дзіцячай інфекцыйнай бальніцы і іншыя змены.

- Ён заўсёды ментальна заставаўся лекарам, па-за залежнасці ад пасады, - тлумачыць адзін з знаёмых Юркевіча з медыцынскай сферы і дадае, што сёння ён узначаліў Шостую гарадскую клінічную бальніцу Менска.

«Шасцёрка» працуе на вуліцы Уральскай з 1964 года. З'яўляецца шматпрофільнай установай, якая спецыялізуюцца на аказанні траўматалагічнай і тэрапеўтычнай дапамогі. Мае ў сваёй структуры цэнтр трансфузіялогіі і радзільны дом. Дарэчы, менавіта тут нарадзілася дачка Дар'і Домрачавай.