L'Espresso: Віцэ-прэм'ер Італіі атрымаў ад Крамля €3 мільёны на выбары ў Еўрапарламент

Масква падтрымлівае Матэа Сальвіні на выбарах.

Расейскія кампаніі, звязаныя з людзьмі з пуцінскага атачэння, уклалі ўгоду ў перадачы €3 млн з дапамогай фіктыўнага продажу дызельнага паліва структурам, блізкім да віцэ-прэм'ера і міністра ўнутраных спраў Італіі Матэа Сальвіні, каб падтрымаць палітыка-нацыяналіста на будучых выбарах у Еўрапарламент. Аб гэтым паведамляецца ў расследаванні L'Espresso, піша The Insider.

Паводле інфармацыі выдання, перамовы ў фінансаванні Лігі Поўначы італійскага віцэ-прэм'ера вяліся ў апошнія месяцы, пра што сведчаць сустрэчы, падарожжы, электронная пошта і праекты кантрактаў. З аднаго боку ў іх удзельнічаў адзін з найбліжэйшых прыхільнікаў Сальвіні, а з другога - «важныя прадстаўнікі пуцінскага істэблішменту». Прадметам перамоў стала пастаўка дызельнага паліва тыпу «Gasoil EN 590 Udsl» на 3 млн тон.

Перамовы аб продажы паліва, «дзякуючы чаму Крэмль мае намер асвяжыць казну партыі Сальвіні», пачаліся ў ліпені мінулага года. Асноўнай дзейнай асобай з італійскага боку ў іх стаў былы прэс-сакратар віцэ-прэм'ера Джанлука Саваіні. Нягледзячы на тое, што цяпер Саваіні не адыгрывае афіцыйнай ролі ў партыі ці ўрадзе, ён заўсёды прысутнічаў падчас афіцыйных візітаў Сальвіні ў Маскву. Ён таксама ратыфікаваў саюз паміж Лігай Поўначы і «Адзінай Расеяй». Як паведамляе L'Espresso, Саваіні здзейсніў дзясяткі паездак у Маскву, Крым і Данбас і вёў перамовы аб фінансаванні.

Паводле інфармацыі выдання, ключавы момант у перамовах наступіў 18 кастрычніка ў Маскве. Італійская дэлегацыя на чале з віцэ-прэм'ерам Сальвіні была гасцямі на канферэнцыі ў гатэлі Lotte. Афіцыйныя мерапрыемствы скончыліся закрытай сустрэчай, вынікі якой не каментаваліся. Паводле некаторых звестак пасля канферэнцыі Сальвіні сустракаўся з Дзмітрыем Козакам. На афіцыйныя запыты выдання органы ўлады не адказалі. Як паведамляе газета, некаторыя дэталі ўгоды былі скончаныя ўранку 19 кастрычніка ў гатэлі «Метраполь» у Маскве. З аднаго боку прысутнічаў Саваіні і два іншыя італійцы, з другога - трое расейцаў.