20 верасня 2019, Пятніца, 3:12
Мы ў адной лодцы
Рубрыкі

Адрэзак вуліцы Янкі Купалы ў Менску зачынены для руху: як пойдзе транспарт

Адрэзак вуліцы Янкі Купалы ў Менску зачынены для руху: як пойдзе транспарт

Адкрыць дарогу абяцаюць толькі ў траўні.

Часовы аўтобусны маршрут №929 "ДС Каліноўскага – Камароўскі рынак" арганізаваны ў Менску на час закрыцця для руху адрэзку вул. Я. Купалы, паведамілі БелТА ў ДУ "Сталічны транспарт і сувязь".

Траса аўтобуса супадае з дзейнай трасай тралейбуса №29 са змяненнем на адрэзку ад вул. Сурганава (яна прадаўжаецца па Куйбышава, прасп. Машэрава, вул. Багдановіча, Харужай, Куйбышава ў прамым напрамку, у адваротным – па Куйбышава, Сурганава і далей па тралейбусным маршруце).

Як паведамлялася, ад сёння рух усіх відаў транспарту па вуліцы Янкі Купалы на адрэзку ад вуліцы Максіма Багдановіча да Куйбышава закрываецца на час будаўнічых працаў. Таксама абмяжоўваецца рух па вуліцы Багдановіча – будзе арганізаваны толькі па адной паласе ў кожным напрамку.

Для павелічэння прапускной здольнасці адрэзак праезнай часткі вуліцы Багдановіча ад моста праз раку Свіслач да вуліцы Архітэктара Заборскага, а таксама перасячэння з вуліцай Янкі Купалы будуць пашыраць. Дарожнікі будуць працаваць у тры змены, каб закончыць будаўніцтва ў траўні (арыентавальны час заканчэння).

Уносяцца змены ў працу наступных маршрутаў: аўтобус №24 з боку вуліцы Л. Бяды паедзе па Куйбышава, Харужай, Багдановіча, з боку вуліцы Няміга – па М. Багдановіча, прасп. Машэрава, Куйбышава з выкананнем усіх прамежкавых прыпыначных пунктаў на змененым адрэзку ў абодвух напрамках.

Маршрут аўтобуса №57 ад ДС Усходняя часова арганізуецца па вуліцах Пуліхава, Першамайскай, Янкі Купалы, прасп. Незалежнасці (з аднесеным разваротам на пл. Перамогі пры руху ў напрамку КП Сямашкі), вуліцах Гарадскі Вал, Няміга і далей па маршруце ў абодвух напрамках з усімі прамежкавымі прыпынкамі акрамя "пл. Перамогі", "прасп. Незалежнасці".

Рух тралейбуса №29 арганізуецца ад вуліцы Кузьмы Чорнага да ДС Лермантава па вул. Сурганава, пл. Бангалор, вул. Багдановіча, Няміга, прасп. Дзяржынскага, вуліцах Шчорса, Люксембург, Лермантава ў прамым напрамку, у зваротным – па вуліцах Лібкнехта, Хмялеўскага, Люксембург, Шчорса, прасп. Дзяржынскага, вуліцах Няміга, Багдановіча, Сурганава і далей па маршруце.

Часовы маршрут перайменаваны ў №29А "ДС Каліноўскага – ДС Лермантава" Тралейбусы №40 паедуць з боку вул. Няміга да ДС Карастаянавай па вул. Багдановіча, пл. Бангалор, вул. Сурганава, Карастаянавай у абодвух напрамках.

Тралейбусны маршрут №12 адмяняецца.

Павялічыцца колькасць тэхнікі на аўтобусных маршрутах №24 і №38, на тралейбусным маршруце №22.

Паводле праязных дакументаў або адзінага праязнога на пэўны перыяд часу (без ліміту паездак), у складзе якіх адзін з відаў транспарту тралейбус, можна без дадатковай аплаты ездзіць у аўтобусах маршрутаў № 24, 44, 59, 91, 136, 929 на дубляваных і змененых адрэзках да 1 сакавіка 2019 года.

Акрамя таго, часова выключаецца з транспартнага абслугоўвання прыпынкавы пункт "Камуністычная" па вуліцы Куйбышава. Найбліжэйшыя альтэрнатывы – "Камуністычная" і "Оперны тэатр" па вуліцы Багдановіча.