Японскі міністр папрасіў прабачэння перад парламентам за троххвіліннае спазненне

Дэпутаты заявілі, што ён дэманструе непавагу да пасады.

Японскі міністр Ёсітака Сакурада, адказны за правядзенне Алімпіяды 2020 года ў Токіа, быў вымушаны публічна папрасіць прабачэння праз троххвіліннае спазненне на пасяджэнне парламенцкага камітэта, піша BBC.

Сакурада прыйшоў на нараду камісіі парламента ў бюджэце ў чацвер на тры хвіліны пазней, прысутныя там апазіцыйныя дэпутаты заявілі, што ён дэманструе непавагу да пасады, і на знак пратэсту байкатавалі нараду на пяць гадзінаў. Міністр папрасіў прабачэння.

Сакурада, прызначаны адказным за Алімпійскія гульні 2020 года ў кастрычніку 2018-га, увесь час апынаецца пад агнём крытыкі.

На мінулым тыдні ён заявіў, што расчараваны, пасля таго як у плыўчыхі Рыкака Икээ дыягнаставалі лейкамію. «Яна патэнцыйная залатая медалістка, мы на яе так спадзяваліся. Я вельмі расчараваны», – сказаў міністр. Крытыкі ўспрынялі гэтую заяву як бестактоўную. Пасля гэтага апазіцыя запатрабавала ягонай адстаўкі з пасады міністра, адказнага за Алімпіяду, але Сакурада захаваў месца.

Сакурада таксама працуе намеснікам кіраўніка аднаго з аддзелаў японскай нацыянальнай установы ў кібербяспецы. Летась ён прызнаўся, што не ўмее карыстацца кампутарам – у маладосці ў чыноўніка не было магчымасці навучыцца, а потым з'явіліся падначаленыя.

У інтэрв'ю Сакурада сказаў, што ўсю працу на кампутары даручае ім. Тады апазіцыя таксама запатрабавала ягонай адстаўкі з пасады ва ўстанове ў кібербяспецы. Сакурада не сышоў.

З апытання, апублікаванага газетай «Асахі сімбун» на гэтым тыдні, вынікае, што блізу 65% японцаў мяркуюць, што Сакурада прафнепрыдатны, 13% упэўненыя, што ён справіцца з арганізацыяй Гульняў.