Нямецкія навукоўцы дазволілі «паніжаць градус» пры ўжыванні алкаголю

Досведы на 90 добраахвотніках давялі, што пахмелле не залежыць ад паніжэння або павышэння градуса алкаголю.

Навукоўцы з Віценскага ўніверсітэта ў Нямеччыне правялі даследаванне, каб высветліць, ці сапраўды паніжэнне градуса пры выпіванні спіртнога і чарговасць напояў уплывае на ступень пахмелля на наступную раніцу, піша "Гастрономъ".

У эксперыменце ўзялі ўдзел 90 чалавек, мужчын і жанчын ва ўзросце ад 19 да 40 гадоў, якія былі падзеленыя на тры групы па росце і вазе. Першая група «павышала градус» - піла спачатку піва, затым віно, другая група, наадварот, піла піва пасля віна, а ўдзельнікі трэцяй групы пілі толькі адзін напой - ці піва, ці віно.

Ступень пахмелля спецыялісты вымяралі па васьмі паказчыках: ад сілы галаўнога болю і галавакружэння да наяўнасці смагі і млоснасці. Высветлілася, што паслядоўнасць алкагольных напояў ніяк не ўплывала на самаадчуванне ўдзельнікаў эксперыменту, а вось вялікая колькасць выпітага магло прывесці да моцнага пахмелля. Цікава, што жанчыны скардзіліся на дрэннае самаадчуванне часцей за мужчын, пры гэта цалкам незалежна ад таго, у якой групе падыспытных яны былі.