28 сакавiка 2024, Чацвер, 19:05
Падтрымайце
сайт
Сім сім,
Хартыя 97!
Рубрыкі

Улады ААЭ даравалі грамадзянам $ 100 мільёнаў пазыкаў

3
Улады ААЭ даравалі грамадзянам $ 100 мільёнаў пазыкаў
ФОТА: REUTERS

Пастанова звязаная з намерам падтрымаць жыццёвы ўзровень грамадзянаў.

У Аб'яднаных Арабскіх Эміратах (ААЭ) урад краіны вылучыў дапамогу больш чым 3 тыс. грамадзянаў, якія мелі запазычанасць перад банкамі, паведамляе Gulfnews (пераклад – РБК).

Паводле вынікаў перамоваў з банкамі тыя даравалі запазычанасць памерам 361 млн дырхамаў (больш за $98 млн).

Улады краіны правялі перамовы з 13 банкамі. Старшыня Найвышэйшага камітэта Фонду ўрэгулявання запазычанасці ўрада краіны Джабер Махамад Аль-Сувейдзі патлумачыў, што гэты захад накіраваны на тое, каб забяспечыць годны ўзровень жыцця ўсім грамадзянам краіны. Дараванне пазыкаў павінна падтрымаць максімальна магчымы ўзровень сацыяльнай стабільнасці, сказаў ён.

Аль-Сувейдзі падкрэсліў, што гэтая ініцыятыва ўкладаецца ў рамкі курсу, абвешчанага ўладамі краіны. Раней эмір Абу-Дабі і прэзідэнт ААЭ Халіфа ібн Зайд Аль Нахаян абвесціў пра пачатак «года памяркоўнасці» ў краіне.

Прадстаўнікі банкаў таксама заявілі, што гэты крок накіраваны на зніжэнне сацыяльнага цяжару на простых грамадзянаў і «прасоўванне каштоўнасцяў цярпімасці».

Улады ААЭ неаднаразова прымалі падобныя захады. У студзені 2012 года Халіфа ібн Зайд Аль Нахаян абвесціў, што 6,8 тыс. грамадзянаў краіны будуць дараваныя пазыкі на агульную суму $540 млн. Пад пазыковую амністыю трапілі тыя грамадзяне, чыя запазычанасць не перавышае $ 270 тыс.

Напісаць каментар 3

Таксама сачыце за акаўнтамі Charter97.org у сацыяльных сетках