Намеснік начальніка Узброеных сілаў NATO ў Еўропе: Мы былі шакаваныя, калі РФ анэксавала Крым

Генерал Джэймс Эверард заявіў, што ў 2014 годзе NATO не было да гэтага гатовае.

Анэксія Крыма, якую ажыццявіла Расейская Федэрацыя, змяніла паўночнаатлантычнае асяроддзе бяспекі.

Як паведамляе "Польскае радыё", пра гэта намеснік галоўнакамандавальніка Узброеных сілаў NATO ў Еўропе генерал Джэймс Эверард заявіў у сваім выступе ў Еўрапейскім парламенце на пасяджэнні падкамітэта бяспекі і абароны.

Тэмай пасяджэння былі пагрозы еўрапейскай бяспецы.

Віцэ-старшыня Узброеных сілаў NATO ў Еўропе заявіў, што пасля распаду Савецкага Саюза многія дзяржавы прызналі мір нечым дадзеным раз і назаўсёды.

"У 2014 мы былі шакаваныя, калі Расея анэксавала Крым. Гэта цалкам змяніла еўраатлантычнае асяроддзе бяспекі. Мы не былі да гэтага гатовыя", – заявіў Эверард.

Генерал адзначыў, што Паўночнаатлантычны альянс мае аднаго дзяржаўнага спаборніка – Расею.

"Сёння мы вымушаныя памерацца з больш небяспечнай Расеяй, якая хоча адбудаваць сваю пазіцыю, знішчаючы міжнародны парадак", – дадаў Эверард.

На ягоную думку, намерам Масквы з'яўляецца не перамога ў доўгай вайне, а рэалізацыя кароткіх кампаній з канкрэтнай мэтай, з дапамогай гібрыднай вайны, у якую ўваходзяць стратэгічнае запалохванне, дэзінфармацыя і дэстабілізацыя.