Пампэа: Дні прэзідэнцтва Мадуры злічаныя

Дзяржсакратар ЗША паўтарыў, што не выключае магчымасці вайсковага ўмяшання Вашынгтона ў сітуацыю ў Венесуэле.

У інтэрв'ю тэлеканалу CNN дзяржсакратар ЗША Майк Пампэа ў нядзелю, 24 лютага, выказаў надзею на тое, што венесуэльскі народ «здолее паклапаціцца аб тым, што дні Нікаласа Мадуры на пасадзе прэзідэнта краіны злічаныя».

Пры гэтым дыпламат падкрэсліў, што не бярэцца прадказваць развіццё сітуацыі ў Венесуэле і параўнаў яе з часам, які папярэднічаў падзенню Бэрлінскага муру, сведкам якога яму давялося стаць у перыяд вайсковай службы ў Заходняй Нямеччыне, паведамляе DW.

«У 1989 году ніхто не мог падумаць, што мур упадзе», - указаў Пампэа.

Супрацьстаянне апазіцыі і сіл урада ў Венесуэле абвастраецца

У той жа час, выступаючы на тэлеканале Fox News, дзяржсакратар ЗША зноў заявіў пра тое, што не выключае вайсковае ўмяшання Вашынгтона ў венесуэльскі канфлікт. «Як мы і гаварылі раней, мы не адмаўляемся ад аніводнай опцыі», - падкрэсліў палітык.

У выходныя, 23 і 24 лютага, супрацьстаянне паміж сіламі апазіцыі і ўрадам Мадуры сур'ёзна абвастрылася. Дыктатар Венесуэлы закрыў мяжы краіны з Бразіліяй і Калумбіяй і даў загад паліцыі і ўзброеным сілах перашкодзіць пастаўкам гуманітарнай дапамогі насельніцтву.

У выніку сутыкнення венесуэльскіх вайскоўцаў з актывістамі на мяжы з Калумбіяй у суботу загінулі некалькі чалавек, многія атрымалі раны.

Большая частка гуманітарнага грузу, які спрабавалі даставіць у Венесуэлу фуры з Вялікабрытаніі, была знішчана ў выніку пажару, пасля таго, як Боліварская нацыянальная паліцыя (PNB) абстраляла грузавікі зарадамі са слёзацечным газам.