Навукоўцы здолелі зняць на відэа нованароджанае дзіцяня гарбатага кіта

Маленькі кіт нарадзіўся за 20 хвілін да пачатку здымкі.

Амерыканскі вучоны Ларс Бейдэр зняў на відэа нованароджанае дзіцяня гарбатага кіта. Узрост маленькага кіта складаў прыкладна 20 хвілін, піша «Зеркало недели».

Са слоў Бейдэра, ён здымаў гарбатых кітоў ля ўзбярэжжа вострава Маўі, калі яму патэлефанаваў адзін з мясцовых аператараў тураў у назіранні за кітамі і распавёў пра тое, што група заўважыла нейкую актыўнасць у вадзе і вялікую колькасць крыві. Калі Бейдэр дабраўся да месца падзей, ён убачыў маленькага кіта з маці - вучоны адзначыў, што яго плаўнікі выглядалі мяккімі, а ў маці ўсё яшчэ быў родавы крывацёк, так што дзіцяня, відавочна, нарадзілася не больш чым за 20 хвілін да гэтага.

Гарбатыя кіты сустракаюцца ва ўсім Сусветным акіяне. Іх адносяць да тых відаў, якія выклікаюць найменшыя асцярогі. Пасля забароны здабычы гэтых кітоў у сярэдзіне XX стагоддзя іх папуляцыя аднавілася.