У Мазыры «замінавалі» будынак, у якім знаходзяцца ДАІ, ЖКГ і дзяржкантроль
9- 6.02.2019, 15:10
- 16,677
Эвакуавалі больш за 300 чалавек.
У Мазыры невядомыя патэлефанавалі ў міліцыю і паведамілі, што замінаваны будынак, у якім размяшчаюцца ДАІ, дзяржкантроль і мясцовы ЖКГ. Эвакуавалі больш за 300 чалавек, паведамляе tut.by.
- 6 лютага а 10:10 у аператыўна-дзяжурную службу УУС паступіла паведамленне аб мінаванні будынка на вуліцы Ленінскай, 64 у Мазыры, у якім размяшчаецца Мазырскі міжраённы камітэт дзяржаўнага кантролю. Таксама ў будынку размяшчаецца інтэрнат, крама, памяшканні КЖУП «Мазырскі райжылкамгас» і аддзяленне Дзяржаўтаінспекцыі Мазырскага РАУС, - паведамілі падрабязнасці ў міліцыі.
На месца прыбылі ўсе неабходныя аператыўныя службы. У тым ліку сапёрна-піратэхнічная група вайсковай часткі 5525.
З будынка эвакуавалі людзей. Таксама праведзеная эвакуацыя навучэнцаў Мазырскага абласнога ліцэя, корпус якога знаходзіцца паблізу.
Выбуховага прыстасавання пакуль не выяўлена.
Міліцыя папярэджвае, што за заведама ілжывае паведамленне пра выбух, падпал ці ж іншыя дзеянні, якія ствараюць небяспеку для жыцця і здароўя людзей, альбо прычынення шкоды ў значнай суме, альбо іншых цяжкіх наступстваў, караецца штрафам, або арыштам, ці абмежаваннем волі на тэрмін да трох гадоў, або пазбаўленнем волі на тэрмін да пяці гадоў. Тое ж дзеянне, учыненае паўторна, або групай асоб на папярэднюю змову, або пацягнула прычыненне шкоды ў значнай суме, або пацягнула іншыя цяжкія наступствы, караецца абмежаваннем волі на тэрмін да пяці гадоў або пазбаўленнем волі на тэрмін ад трох да сямі гадоў.