22 траўня 2019, Серада, 7:14
За нашу і вашу свабоду!
Рубрыкі

Лувага Кізіта: У Аляксандра Глеба ўнікальны талент

6
ЛУВАГА КІЗІТА І АЛЯКСАНДР ГЛЕБ
ФОТА З САЙТА PRESSBALL.BY

Угандыйскі футбаліст заявіў, што гульню Глеба цяжка скапіяваць.

Экс-гулец БАТЭ Лувага Кізіта ў інтэрв'ю угандыйскім СМІ падзяліўся ўражаннямі ад перыяду кар'еры, праведзенага ў барысаўскім клубе і распавёў пра размову з Аляксандрам Глебам.

- Якія ў вас ўражанні ад досведу гульні ў барысаўскім БАТЭ?

- Гэта было ўзрушаюча. Я бачыў рэчы, пра якія толькі марыў. Я гуляў з Аляксандрам Глебам, адным з маіх любімых гульцоў майго дзяцінства. І што цікава, я спачатку не размаўляў з ім, але ён - той, каму падабаўся мой стыль, ён прыйшоў і першы загаварыў са мной.

Ён суцяшаў мяне, калі я не атрымліваў досыць гульнявога часу; ён растлумачыў мне, што мне будзе цяжка атрымаць гульнявы час, калі я змагаюся за месца ў складзе з гульцом нацыянальнай камандай. Таму ён параіў мне знайсці іншы клуб. Цяпер мы ўсё яшчэ падтрымліваем сувязь з Аляксандрам.

- Што яшчэ вы даведаліся пра яго?

- Па праўдзе кажучы, рэчы, якія ён робіць на полі, досыць складаныя. Цяжка скапіяваць яго гульню. У яго ўнікальны талент. Тое, як ён гуляе, настолькі непрадказальна і спантанна, што вы проста не можаце рабіць, як ён. Але я таксама даведаўся пра тое, наколькі ён спакойны. Ён вельмі сціплы. Ён такі ціхі, такі стрыманы і ніколі не робіць і не кажа нічога, каб паказаць, хто ён такі. Гэта шакавала мяне, - прыводзіць словы Кізіта «Беларускі футбол у «Укантакце».