24 траўня 2019, Пятніца, 21:32
За нашу і вашу свабоду!
Рубрыкі

Стала вядома дата і месца правядзення матчу за Суперкубак Беларусі

2

Першы трафей 2019 года разыграюць БАТЭ і берасцейскае «Дынама».

2 сакавіка барысаўскі БАТЭ і берасцейскае «Дынама» згуляюць за першы трафей 2019 года на стадыёне футбольнага клуба «Менск», паведамляецца на сайце федэрацыі футбола.

Матч-адкрыццё футбольнага сезона чацвёрты раз прыме сталічную арэну, размешчаную на вуліцы Маякоўскага і якая змяшчае блізу 3000 гледачоў.

У матчы за Суперкубак Беларусі з 2010 года бяруць удзел дзейны чэмпіён і ўладальнік Кубка краіны. Барысаўчане на правах чэмпіёна ўзялі ўдзел ва ўсіх розыгрышах і ўжо сем разоў заваёўвалі Суперкубак Беларусі.

Берасцейцы як пераможцы Кубка Беларусі сезона 2017/2018 другі раз у сваёй гісторыі паспрачаюцца за трафей. Адзначым, што «Дынама» з'яўляецца цяперашнім уладальнікам Суперкубка.

Стартавы свісток прагучыць а 15.00. Інфармацыя пра квіткі на матч з'явіцца найбліжэйшым часам.