У Венесуэле разбіўся расейскі ўдарны гелікаптэр Мі-35М
27- 7.02.2019, 15:55
- 28,831
Верталёт пацярпеў катастрофу падчас вучэнняў па «адбіцці ўварвання ЗША».
Ударны гелікаптэр Мі-35М армейскай авіяцыі Баліварыянскіх наземных войскаў Венесуэлы чацвёртага лютага разбіўся ў штаце Кахедэс, паведамляе Venezuela al Día. Верталёт пацярпеў катастрофу падчас вучэнняў у «адбіцці ўварвання ЗША».
Пяцёра вайскоўцаў атрымалі «множныя траўмы». Гэта першая страта верталёта Мі-35М у армейскай авіяцыі Венесуэлы. Гэтыя баявыя машыны былі атрыманыя ў 2005-2007 гадах ад Расеі. Яны складаюць аснову сфармаванага ў 2011 годзе батальёна шматмэтавых гелікаптэраў.
Мі-35М з'яўляецца глыбокай мадэрнізацыяй «Мі-24В». Верталёт здольны ўжываць кіраванае і некіравальнае ўзбраенне ў складаных метэаўмовах дзякуючы наяўнасці дасканалай аглядна-прыцэльнай сістэмы, у якую ўваходзяць цеплавізійны і тэлевізійны каналы, лазерны далямер і пеленгатар.
#6Feb Siniestro de helicóptero MI 35 de la aviación del Ejército Venezolano se registró el pasado lunes en El Pao, estado Cojedes. Se reportaron cinco heridos en el accidente, todos politraumatizados. pic.twitter.com/SUzbylFxE1
— Lisbeth Barboza Ruiz (@BarbozaRuiz) 6 февраля 2019 г.