Затрыманы генеральны дырэктар «Менскага заводу шасцерняў»

Ён падазраецца ў атрыманні хабару на 20 тысяч еўраў.

У чацвер, 7 лютага, супрацоўнікі ГУБАЗіК МУС затрымалі на месцы злачынства пры атрыманні хабару генеральнага дырэктара «Менскага завода шасцерняў». Пра гэта паведамляе tut.by са спасылкай на МУС.

«Хабар ад прадстаўніка замежнай камерцыйнай структуры сумай 20 тысяч еўраў генеральны дырэктар ААТ «Менскі завод шасцерняў» атрымаў у сваім працоўным кабінеце», - паведамляюць у МУС.

Падазраюць, што грошы перадалі за спрыяльнае развязанне пытанняў для выканання заводам сваіх абавязанняў, звязаных з разлікамі за тое, што пастаўляецца тэхналагічнае абсталяванне.

Падчас правядзення аператыўна-вышуковых мерапрыемстваў выяўлена, што ў 2018 годзе кіраўнік прадпрыемства «ўжо неаднаразова атрымліваў хабар ад прадстаўнікоў камерцыйных структур».

Следчым камітэтам у дачыненні да генеральнага дырэктара ААТ «Менскі завод шасцерняў» распачатая крымінальная справа паводле ч. 3 арт. 430 КК (Атрыманне хабару ў асабліва вялікай суме асобай, якая займае адказную пасаду).