Пекін супраць Масквы: глабальныя фонды рыхтуюць распродаж расейскіх акцый дзеля Кітая

Адток замежнага капіталу з РФ рэзка павялічыцца.

Расейскаму фондаваму рынку з траўня да лістападу трэба будзе перажыць адток замежнага капіталу праз змены ў складзе індэксаў MSCI, на якія арыентуюцца глабальныя фонды, кіраўнікі актывамі на суму амаль 2 трлн даляраў, піша finanz.ru.

У пачатку сакавіка MSCI абвясціла аб уключэнні ў свае індэксы акцый Савудаўскай Арабіі і Аргенціны, а таксама аб рэзкім павышэнні долі Кітая.

У траўні каэфіцыент уключэння кітайскай акцый класа А будзе павялічаны з 5% да 10%, затым да 15% у жніўні і 20% - у лістападзе.

Паводле вынікаў гэтага працэсу ў індэксе MSCI Emerging Markets (EM) будуць прадстаўленыя 253 кітайскія кампаніі буйной капіталізацыі і 168 сярэдніх і малых кампаній, а выніковая вага акцый, якія гандлююць на біржах КНР у юанях, вырасце амаль у 5 разоў - з 0,7% да 3,3%.

Гэта «павысіць попыт на кітайскія паперы з боку амерыканскіх і еўрапейскіх інстытуцыйных кліентаў, накіраваных на стратэгічныя ўкладанні», адзначаюць галоўны інвестыцыйны стратэг ITI Capital Іскандэр Луцко.

Для іншых рынкаў гэта абернецца адтокам капіталу. У суме пераразмеркаванне патокаў на карысць Кітая запатрабуе блізу 20 млрд даляраў - такая сума сыдзе з акцый іншых краін, уключаных у MSCI EM, ацэньвае стратэг «ВТБ Капитала» па акцыях РФ Ілля Піцерскі.

Расейскі рынак, з ягоных разлікаў, страціць блізу 700 млн даляраў грошай замежных інвестараў за паўгода.

Для Кітая ж пералік MSCI можа прывесці да гіганцкай лавіны інвестыцый.

Сумарны прыток сродкаў з боку ўсіх пасіўных фондаў у эталонныя MSCI індэксы, якія ўключаюць акцыі класа А, пераважна паперы медыцынскага, IT і прамысловага сектараў, можа перавысіць 60 млрд даляраў, кажа Луцко, а сукупны прыток замежнага капіталу на працягу 5-10 гадоў можа перасягнуць 600 млрд даляраў.

«Рашэнне MSCI разам з мерамі Пекіна ў лібералізацыі доступу да свайго рынку, азначае, што сёлета аб'ём замежных уліванняў у акцыі класа А можа скласці да 100 млрд даляраў супраць $45 млрд у 2018 годзе», - адзначае экспэрт.