Еўра падаражэў на таргах у Менску

Беларускі рубель здаў да еўра і расейскага рубля.

На валютных таргах у Менску 13 сакавіка еўра і расейскі рубель падаражэлі, даляр патаннеў.

Такая інфармацыя размешчаная на сайце Беларускай валютна-фондавай біржы.

Курс даляра знізіўся на Br0,0032 і складае Br2,1349 за $1 (на таргах 12 сакавіка - Br2,1381 за $1).

Еўра падаражэў на Br0,0022 да Br2,4108 за 1 еўра (12 сакавіка - Br2,4086 за 1 еўра).

Курс расейскага рубля падвысіўся на Br0,0062 да Br3,2578 за 100 расейскіх рублёў (12 сакавіка - Br3,2516 за 100 расейскіх рублёў).