Дырэктар Пружанскага райаграсэрвіса трапіўся на хабары $190
18- 15.03.2019, 16:09
- 18,176
57-гадовы кіраўнік прадпрыемства знаходзіцца пад вартай.
У Баранавічах затрымалі дырэктара ААТ «Пружанскі райаграсэрвіс». Яго падазраюць у атрыманні хабару, паведамляе МУС.
57-гадовы кіраўнік прадпрыемства прымаў незаконныя ўзнагароджанні за развязанне пытання аб выплаце фірме запазычанасці за забеспячэнне запчасткамі для сельгастэхнікі і ўкладання дамовы паставак. Яго затрымалі на паркоўцы падчас атрымання чарговага хабару сумай 190 даляраў.
У наступным аператыўнікі выявілі яшчэ некалькі аналагічных фактаў, у якіх фігуруюць сумы 500 даляраў і 2 000 рублёў.
У дачыненні да дырэктара прадпрыемства распачатыя крымінальныя справы за атрыманне хабару, ён пад вартай.