Стала вядома, калі пройдуць выпускныя сёлета
4- 15.03.2019, 19:14
- 10,856
Як школьнікі будуць адпачываць у наступным годзе.
Міністэрства адукацыі распавяло, калі пройдуць апошнія званкі і выпускныя вечары, калі школьнікі будуць адпачываць у наступным годзе, піша tut.by.
Навучальны год 2018/2019 завершыцца ў пятніцу, 31 траўня. Апошні званок для вучняў 9 класаў і 11 класаў пройдзе 30 траўня. 31 траўня для іх правядуць кансультацыі па вучэбных прадметах.
Выпускныя экзамены сёлета пройдуць з 1 да 8 чэрвеня, выпрабаванні па вучэбных прадметах, якія праводзяцца ў пісьмовай форме, пачынаюцца а 9 гадзіне.
Выпускныя цяперашнім летам міністэрства адукацыі рэкамендуе правесці 8-9 чэрвеня — субота-нядзеля.
Ужо вядомы і графік вучобы на наступны навучальны год: першая чвэрць – з 2 верасня да 31 кастрычніка 2019 г., другая – з 11 лістапада да 24 снежня 2019 г., трэцяя – з 13 студзеня да 28 сакавіка 2020 г., чацвёртая — з 6 красавіка да 30 траўня 2020 г.
Канікулы ў наступным навучальным годзе будуць такімі:
- восеньскія – 9 дзён: з 1 лістапада да 9 лістапада 2019 г. уключна;
- зімовыя – 17 дзён: з 26 снежня да 11 студзеня 2020 г. уключна;
- вясновыя – 6 дзён: з 30 сакавіка да 4 красавіка 2020 г. уключна;
- Летнія – 92 дні: з 1 чэрвеня да 31 жніўня 2020 г., для навучэнцаў.
Для першых і другіх класаў у ІІІ чвэрці праводзяцца дадатковыя зімовыя вакацыі працягласцю 7 дзён – з 17 лютага да 23 лютага 2020 г.