Дзясяткі тысяч пратэстуючых заклікаюць урад Алжыра сысці ў адстаўку

Удзельнікі пратэсту ў сталіцы Алжыра патрабуюць зменаў палітычнай сістэмы.

У Алжыры працягваюцца пратэсты супраць дзейнага прэзідэнта Абдэльазіза Бутэфліка і ўрада. Дзясяткі тысяч чалавек выйшлі на дэманстрацыі на найбуйнейшых плошчах у сталіцы паўночнаафрыканскай краіны ў пятніцу, 15 сакавіка, піша «Немецкая волна».

Маніфестанты заклікаюць да фундаментальных зменаў палітычнай сістэмы, у тым ліку да адстаўкі ўрада.

У паўночнаафрыканскай краіне некалькі тыдняў працягваюцца найбуйнейшыя з часоў «арабскай вясны» 2011 года пратэсты. Спачатку іх ўдзельнікі выступалі супраць меркаванага пятага прэзідэнцкага тэрміну 82-гадовага прэзідэнта Абдэльазіза Бутэфлікі. Падчас пратэстаў пацярпелі сотні чалавек, а найстарэйшы музей Алжыра быў абрабаваны.

11 сакавіка кіраўнік дзяржавы адмовіўся вылучаць сваю кандыдатуру, а таксама абвясціў пра перанос на больш позні тэрмін прэзідэнцкіх выбараў, першапачаткова прызначаных на 18 красавіка. Акрамя таго, алжырскі прэзідэнт заявіў пра маючыя адбыцца «значныя змены ў фармаванні ўрада» і прызначыў кіраўнік МУС Алжыра прэм'ер-міністрам краіны.

Абдэльазіза Бутэфліка з'яўляецца прэзідэнтам паўночнаафрыканскай краіны з 1999 года. Пасля інсульту ў 2013 годзе Бутэфліка прыкаваны да інваліднага вазка, з тых часоў ён рэдка з'яўляецца на публіцы і не выступае з прамовамі.