Вайсковы самалёт ЗША праляцеў над Чукоткай
- 17.03.2019, 13:29
- 12,287
Палёт праходзіў на вышыні 11,2 км.
Назіральны самалёт ВПС ЗША праляцеў над расейскай тэрыторыяй у раёне Чукоткі. Пра гэта паведамляе маніторынгавы рэсурс PlaneRadar у Twitter, паведамляе РБК.
Так, амерыканскі Boeing OC-135B Open Skies з бартавым нумарам 61-2670 быў знойдзены ў зоне дзеяння прымачоў гарадоў Анадыр і Певек на Чукотцы. Адзначаецца, што палёт вайсковага самалёта ЗША праходзіў на вышыні 11,2 км.
Раней стала вядома, што ў межах Дамовы пра адкрытае неба супольная місія ЗША і Нарвегіі павінна была здзейсніць назіральны палёт над расейскай тэрыторыяй у перыяд з 11 да 16 сакавіка.
Тады часовы выканаўца абавязкаў кіраўніка расейскага цэнтра памяншэння ядзернай небяспекі Руслан Шышанаў адзначаў, што палёт будзе выкананы на выведвальным самалёце ЗША Boeing OC-135B, які ўзляціць з аэрапорта Новы ў Хабараўску. Пры гэтым ён дадаў, што на борце будуць знаходзіцца расейскія спецыялісты, якія пракантралююць выкананне ўсіх параметраў палёту.